Árshátíð Húnaskóla 2025

Glæsileg árshátíð Húnaskóla haldin með pompi og prakt

Árshátíð Húnaskóla var haldin með miklum glæsibrag föstudaginn 27. febrúar og var húsfyllir að venju. Nemendur skólans sýndu listræna hæfileika sína í fjölbreyttri og skemmtilegri dagskrá sem heillaði alla viðstadda.

Nemendur í 7. bekk settu upp frábæra útgáfu af hinu vinsæla ævintýri um Shrek, þar sem söguhetjan græna og vinir hans létu ljós sitt skína. Karakterarnir voru túlkaðir af mikilli innlifun og sýndu krakkarnir ótrúlega hæfileika undir leikstjórn Jóhönnu Stellu Jóhannsdóttur. 

Nemendur í 8.-10. bekk tóku sig svo saman og fluttu sívinsæla söngleikinn Grease undir leikstjórn Gunnars Sturlu Hervarssonar. Áhorfendur voru fluttir aftur til sjötta áratugarins með klassískum lögum á borð við "Summer Nights" og "Grease Lightning". Búningar og leikmynd voru einstaklega vel útfærð og sýndu nemendur framúrskarandi dans- og sönghæfileika.

Í hléi nutu gestir ljúffengra kaffiveitinga sem foreldrafélagið hafði veg og vanda af. Eftir sýningarnar var haldin hin árlega söngkeppni félagsmiðstöðvarinnar Skjólsins, Blönduvision, þar sem Sara Björg Jónsdóttir bar sigur úr býtum með glæsilegum flutningi sínum á laginu Hallelujah. Keppnin var óvenju spennandi í ár og allir þátttakendur stóðu sig frábærlega.

Kvöldinu lauk svo með skemmtilegu balli fyrir nemendur í 7.-10. bekk sem héldu uppi fjörinu fram eftir kvöldi. Nemendur dönsuðu og skemmtu sér konunglega og var stemningin alveg einstök.

Stjórnendur vilja koma á framfæri mikilli ánægju með hversu vel árshátíðin tókst til og þakkar öllum sem komu að undirbúningi og framkvæmd fyrir ómetanlegt framlag sitt.

Myndirnar af Grease tók Róbert Daníel Jónsson.